不難想像，「校本自願驗毒試驗計畫」將又是特區政府另一個「未到高潮已劇終」的計畫。這種牽涉人權、私隠、學校、家庭的複雜問題，必須經過周詳考慮，並不是熱淚盈眶地喊兩句「救救孩子」就能成事。
有學生大力反對，高呼：「咁你即係懷疑我啦！」海關要求查看出入境旅客的行李，旅客也可以說：「咁你即係懷疑我啦！」警察在街上查身份證，市民也可以說：「咁你即係懷疑我啦！」那不是很廢話嗎？不懷疑的話查來幹麼？通街是人，為何個個不查，偏要查我？鬼唔知阿媽係女人？人手呢？時間呢？
有學生問：「為何不捉那些明星去驗，只捉學生？」那我要問，你為何吸毒？很多青少年都會答「悶囉」。毋須ＩＱ很高，都會知道吸毒會令你失學、失業、失禁。要是幾十歲人還會因為「悶囉」而去吸毒，醫返都嘥藥費啦，驗來幹麼？但十幾歲的孩子，錯了，還有得救。
早前有位三十多歲的「高齡毒婦」到深圳索Ｋ，被行政拘留15日後，高呼「又唔係殺人放火！」。她自稱無業，索Ｋ因為「壓力太大」。如果無業的人也「壓力太大」，你叫天天上班做到隻狗那些人情何以堪？
做人本身就是一種壓力。你又做？(撰文:王迪詩http://world-of-daisy.blogspot.com/)
